Փոթորիկ

Բայց դուք մի կարծեք, խնդրեմ, որ ես միայն անտառներում ու դաշտերում եմ ճանապարհորդել: Ոչ, ես շատ անգամ լողացել եմ նաև ծովերի ու օվկիանոսների վրայով, և ինձ հետ այնպիսի արկածներ են պատահել, որ ոչ ոքի հետ չեն պատահել:

Մի անգամ մի մեծ նավով Հնդկաստան էինք գնում: Եղանակը հրաշալի էր: Բայց երբ մի ինչ – որ կղզու մոտ խարիսխ գցեցինք, ուժեղ փոթորիկ բարձրացավ:

Փոթորիկն այնքան ուժեղ էր, որ կղզուց մի քանի հազար (այո, մի քանի հազար) ծառ պոկեց և ուղիղ դեպի ամպերը վեր հանեց: Հարյուրավոր փութ կշռող հսկա ծառերն այնքան էին բարձրացել, որ գետնից նայելիս բմբլի չափ էին թվում:

Բայց հենց որ փոթորիկը վերջացավ, իսկույն արմատներ գցեց այնպես, որ կղզու վրա փոթորկից ոչ մի հետք չմնաց:

Զարմանալի ծառեր են, այդպես չէ՞:

Ասենք, մի ծառ բոլորովին չվերադարձավ:

Բանը նրանումն է, որ, երբ այդ ծառը վեր թռավ, նրա ճյուղերի վրա գտնվում էր մի չքավոր գյուղացի իր կնոջ հետ: Ինչո՞ւ էին նրանք ծառը բարձրացել: Շատ պարզ՝ որ վարունգ քաղեն, որովհետև այդ երկրում վարունգը ծառի վրա է աճում:

Այդ կղզու բնակիչները ամեն բանից շատ վարունգն են սիրում և ուրիշ ոչինչ չեն ուտում. վարունգը նրանց միակ կերակուրն է:

Խեղճ գյուղացիները, փոթորկից բռնված, ստիպված էին ամպերի տակ օդային ճանապարհորդություն կատարել:

Երբ փոթորիկը հանդարտեց, ծառն սկսեց վար իջնել: Գյուղացին և գեղջկուհին շատ հաստ էին, նրանք իրենց ծանրությամբ ծառը ծռեցին և ընկան ոչ թե այնտեղ, ուր առաջ աճում էր, այլ ուրիշ տեղ՝ այդ երկրի թագավորի վրա և, բարեբախտաբար, ինչպես մժեղի, տրորեց նրան:

– Բարեբախտաբար, – կհարցնեք դուք: Ինչո՞ւ բարեբախտաբար: Որովհետև այդ թագավորը շատ խիստ մարդ էր և կղզու ժողովրդին գազանի պես տանջում էր:

Ժողովուրդը շատ ուրախացավ, որ իրենց տանջողը ոչնչացավ, և նրա թագն ինձ առաջարկեց:

– Խնդրում ենք, բարի Մյունխհաուզեն, մեր թագավորը եղիր:

Դու այնքա՜ն իմաստուն ես, այնքա՜ն համարձակ:

Բայց ես կտրականապես մերժեցի, որովհետև վարունգ չեմ սիրում:

 

  1. Հարցեր և առաջադրանքներ

Դուրս գրի՛ր  անծանոթ բառերն ու օնլայն բառարանի օգնությամբ բացատրի՛ր։կտրականապես-կտրուկ կերպով

 

  1. Տրված համառոտ նախադասությունները ընդարձակի՛ր:

Եղանակը հրաշալի էր:

Առավոտյան Երևանում եղանակը հրաշալի էր:

Փոթորիկ բարձրացավ:

Բոլորի համար անակնկալ էր, թե ինչպես շատ արագ  փոթորիկ բարձրացավ:

Ժողովուրդը ուրախացավ:

Նվերները տեսնելով ժողովուրդը շատ ուրախացավ:

 

  1. Դուրս գրի՛ր հոգնակի բառեր և դարձրո՛ւ եզակի:

Օրինակ՝ անտառներ-անտառ    դաշտեր-դաշտ, օվկիանոսների-օվկիանոս, արկածներ-արկած, ամպեր-ամպ, ծառեր-ծառ, արմատներ-արմատ, ճյուղեր-ճյուղ, բնակիչներ-բնակիչ, գյուղացիներ-գյուղացի:

  1. Տեքստից դուրս գրի՛ր համապատասխան բառեր և լրացրո՛ւ աղյուսակը:
Ինչպիսի՞ Ի՞նչ Ի՞նչ է անում
Ուրախ փոթորիկ բարձրանում է
Խեխճ Եղանակ հանում է
մեծ ժողովուրդ թռնում է
հրաշալի Վարունգ բռնվում է
ուժեղ խարիսխ գնում է

 

  1. Տրված վերնագրերից մեկն ընտրի՛ր ու հեքիաթ հորինի՛ր: Paint-ով համապատասխան նկար նկարի՛ր և հրապարակիր բլոգում:

«Ելակի ծառերի անտառում»

Երկար մնալով տանը Գարիկը շատ էր կարոտում իր ընկերներին, բակի խաղերին: Չնայած փորձում էին ընտանիքում հետաքրքրիր խաղեր կազմակերպել, ֆիլմեր դիտել, մասնակցում էր առցանց դասերին, միևնույնն է Գարիկն ու իր փոքրիկ եղբայրը՝ Դավիթը, շատ էին ուզում գնալ բակ, այցելել տատիկին և խաղալ տատիկի այգում:

Հերթական կարանտինային մի օր Գարիկը երազում էր բակում ընկերների հետ խաղալու մասին, չհասկանալով էլ, թե ինչպես հանկարծ հայտնվեց մի այգում, որտեղ միայն ելակի ծառեր էին: Դավիթիկը վազվզում էր ելակի մի ծառից մյուս ծառը, պոկում ուտում և ծիծաղում: Գարիկը ելակ շատ էր սիրում և չէր հավատում, որ այգում էր ու կարող էր որքան ուզում էր ելակ ուտել:

Հանկարծ Գարիկը լսեց մայրիկի ձայնը.

–         Գարիկ ջան արի եղբորդ հետ ելակ ուտելու:

Գարիկը աչքերը բացեց ու հասկացավ, որ երազ էր տեսնում: Նա դեռ երկար հիշում էր այդ հիանալի այգի՝ լի ելակներով:

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s