Մի օր կենդանաբանական այգու կապիկները որոշեցին ճամփորդել, աշխարհ ճանաչել: Որոշեցին ու ճամփա ընկան: Գնացին, գնացին, մի տեղ կանգնեցին ու հարցրին.
-Ի՞նչ է երևում:
-Առյուծի վանդակը, փոկի ավազանն ու ընձուղտի տունը:
-Ի՜նչ մեծ է աշխարհը, ու ինչքա՜ն շատ բան ես իմանում, երբ ճամփորդում ես:
Շարունակեցին ճանապարհն ու կանգ առան միայն կեսօրին:
-Հիմա ի՞նչ է երևում:
-Ընձուղտի տունը, փոկերի ավազանն ու առյուծի վանդակը:
-Ի՜նչ տարօրինակ է աշխարհը, ու ինչքա՜ն շատ բան ես իմանում, երբ ճամփորդում ես:
Նորից ճանապարհ ընկան ու կանգ առան արևամուտին:
-Իսկ հիմա ի՞նչ է երևում:
-Առյուծի վանդակը, ընձուղտի տունն ու փոկերի ավազանը:
-Ի՜նչ ձանձրալի է աշխարհը․  միշտ նույն բաներն են հանդիպում ու ճանապարհորդելն էլ ոչ մի բանի պետք չէ:
Ու այդպես, նրանք ճամփորդում էին, ճամփորդում, բայց վանդակից դուրս չէին գալիս, պտտվում էին նույն շրջանում կարուսելի ձիուկի պես:

Առաջադրանքներ

1. Լրացրո՛ւ բաց թողնված տառերը:
2. Տրված բառերը բառերը բաղադրիչների(մասերի) բաժանի՛ր, ապա որոշի՛ր  կազմությունը (պարզ, բարդ, ածանցավոր)՝   կեսօր-կես+օր բարդ արևամուտ-արև+ա+մուտ բարդ ձանձրալի-ձանձր+ալի ածանցավոր աշխարհ-պարզ ճանապարհորդ-ճանապարհ+որդ ածանցավոր

       3.  Կենդանաբանական այգու կապիկները  ճամփորդեցին:

ա) Գտի՛ր տրված նախադասության ենթական ու ստորոգյալը:

Կապիկները          ճամփորդեցին

բ) Սա պարզ ընդարձակ նախադասություն  է: Այն դարձրո՛ւ պարզ համառոտ: Կապիկները  ճամփորդեցին։

գ) Լույսն անջատվեց:

Դասարանում սեղանին դրված լույսն անջատվեց։

Աննան նվագում է: Աննան նվագում է ջութակ։

Աստղերը շողշողում են: Աստղերը շողշողում են գեղեցիկ երկնքում։

Այս երեք պարզ համառոտ նախադասությունները դարձրո՛ւ պարզ ընդարձակ:

4. Գրի՛ր այգի, ճանապարհ, արևամուտ բառերի հոմանիշները:

Այգի-պարտեզ

ճանապարհ-ճամփա, ուղի

արևամուտ-մայրամուտ

 5. Գրի՛ր տարօրինակ, գիշեր, նույն, դուրս գալ բառերի հականիշները:

Տարօրինակ-սովորական

գիշեր-ցերեկ

նույն-այլ

Դուրս գալ-ներս գալ

   6. Պատմվածքից դո՛ւրս գրիր աշխարհը բնութագրող բառերը:

Տարօրինակ, մեծ, ձանձրալի։

   7. Համաձա՞յն ես կապիկների հետ: Ինչպիսի՞ն է քո աշխարհը: Պատմի՛ր: Համաձայն չեմ կապիկների հետ, քանի որ նրանք ամեն ինչ տեսնում ու նկարագրում էին միայն իրենց վանդակի շրջակայքում և չէին տեսնում իրական աշխարհը։ Իմ աշխարհը լի է վառ գույներով, գեղեցիկ ծաղիկներով, հետաքրքիր մարդկանցով ու տարատեսակ կենդանիներով։ Մեր աշխարհը լի է հետաքրքրիր խաղերով, գեղեցիկ շինություններով ու լի անակնկալներով։